მიმდინარე წლის 15-23 დეკემბრის შუალედში გუდაურში დაგეგმილია ზამთრის სეზონის გახსნის ღონისძიება. ღონისძიებისთვის ტურიზმის ეროვნული ადმინისტრაცია 314 937 ლარის ტენდერის გარეშე დახარჯვას გეგმავს.

"საქართველოს რეგიონებში ტურისტული რესურსისა და პროდუქტის პოპულარიზაციის განვითარებისათვის ყველაზე პრიორიტეტული ღონისძიებაა. ღონისძიების მაღალ დონეზე ჩატარება წარმოადგენს საზოგადოებრივ და სახელმწიფოებრივ ინტერესს. ამასთან, ანალოგიური მასშტაბის და შინაარსის ღონისძიების ჩატარება ქვეყნის ტურისტული პოტენციალის წარმოჩენის ერთ-ერთი მნიშვნელოვანი საფუძველია", — განმარტავს ტურიზმის ადმინისტრაცია.

მათივე ინფორმაციით, 2018 წელს კურორტ გუდაურს დაარსებიდან 30 წლის იუბილე შეუსრულდა. იგეგმება ახალი ობიექტების გახსნა. დაემატება ექვსი ახალი საბაგირო და სასრიალო არეალი 20%-ით გაიზრდება. ასევე, გაკეთდება ახალი ხელოვნური ტბა, რომელიც წელს პირველად შევა ექსპლუატაციაში. დაგეგმილია ხელოვნური გათოვლიანების სისტემების დამატება.