გერმანიის კანცლერმა, ანგელა მერკელმა გადაწყვიტა, რომ ქრისტიანულ-დემოკრატიული კავშირის ლიდერის თანამდებობა დატოვოს. განცხადება მერკელმა მას შემდეგ გააკეთა, რაც ოქტომბრის მეორე ნახევარში, არჩევნების შემდეგ გერმანიის მმართველმა კოალიციამ ორ მთავარ მიწაზე უმრავლესობა დაკარგა.

მსგავსი გადაწყვეტილება შეასუსტებს მერკელის ძალაუფლებას თვითონ პარტიის შიგნით და დააგდებს მის რეიტინგს ქვეყნის მასშტაბით.

როგორც გამოცემები წყაროებზე დაყრდნობით წერენ, მერკელი დეკემბერში პარტიის ლიდერის თანამდებობაზე კანდიდატურას აღარ წარადგენს. ამავე დროს, მერკელს სურს, რომ რაღაც პერიოდის განმავლობაში კანცლერის პოსტზე მაინც იყოს.

მსგავსი ქმედება კი ეწინააღმდეგება ანგელა მერკელის განცხადებებს, რომელიც ამბობდა, რომ ფედერალური კანცლერი მხოლოდ პარტიის ლიდერად ყოფნის შემთხვევაში იქნება.

ანგელა მერკელი პარტიის ლიდერი 2000 წლიდან არის, ხოლო გერმანიის მთავრობას სათავეში 2005 წლიდან უდგას.