ჯანდაცვის სამინისტროს რეგულირების სააგენტოს ხელმძღვანელმა დავით მაჭარაშვილმა მონიტორინგის პირველადი შედეგები გამოაქვენა.

მისი თქმით, 5 აგისტოდან 19 აგვისტომდე საქართველოს მასშტაბით განხორციელებული კონტროლის ღონისძიებების შედეგად დარღვევები დაფიქსირდა 30 შემთხვევაში.

გამოვლენილია:

  • ურეცეპტოდ ფსიქოტროპული მედიკამენტის გაცემის 13 ფაქტი;
  • აღურიცხავი ფსიქოტროპული მედიკამენტების არსებობის 5 ფაქტი;
  • მეორე ჯგუფის მედიკამენტების ურეცეპტოდ გაცემის 11 ფაქტი;
  • აფთიაქის მხრიდან უნებართვო საქმიანობის განხორციელების ერთი ფაქტი.

ჯანდაცვის სამინისტროს ცნობით, დადგა 13 ფარმაცევტის პროფესიული პასუხისმგებლობის საკითხი, ფუნქციონირება შეაჩერა 17-მა ავტორიზებულმა აფთიაქმა.

რეგულირების სააგენტოს სპეციალისტები შინაგან საქმეთა სამინისტროს თანამშრომლებთან ერთად, 24 საათიან რეჟიმში აგრძელებენ კონტროლის ღონისძიებებს.

ჯანდაცვის სამინისტრო ფსიქოტროპული მედიკამენტების ურეცეპტოდ გაცემის ფაქტებზე 24 საათიან მონიტორინგს ატარებს.