თბილისის მერის, კახა კალაძის თქმით, 2020 წლიდან დედაქალაქში 18-მეტრიანი 200-მდე ელექტროავტობუსი შემოვა. ამის შესახებ მერმა მწვანე პოლიტიკის პრეზენტაციისას ისაუბრა.

"2020 წლიდან დედაქალაქს აუცილებლად სჭირდება ელექტროავტობუსები, რომლებიც უნდა იყოს 18-მეტრიანი. ვფიქრობთ, რომ 2020 წლიდან, ის 550 ავტობუსი, რომელიც 2019 წლის ბოლოსთვის იქნება საქართველოში, დაახლოებით, 900 ერთეულამდე გავზარდოთ", - აღნიშნა კახა კალაძემ.

მისივე თქმით, 2019 წლის შემდეგ, თბილისში შემოსული ყველა ავტობუსი ელექტრო იქნება, რაც დედაქალაქში არსებული ეკოლოგიური მდგომარეობის გამოსწორების თვალსაზრისით, მნიშვნელოვანია.

მერმა ასევე აღნიშნა, რომ 2021 წლამდე ქალაქის მასშტაბით მოეწყობა ავტობუსის ზოლები, რითაც საზოგადოებრივ ტრანსპორტს უპირატესობა შეექმნება და გაცილებით სწრაფად გადაადგილდება.

ელექტროტრანსპორტთან დაკავშირებით პრემიერ-მინისტრმა, მამუკა ბახტაძემ აღნიშნა, რომ მომავალი ათი წლის განმავლობაში ქვეყნის ავტოპარკის 90 პროცენტი ელექტრომობილებით ჩანაცვლდება.

გაიგეთ მეტი: