თბილისის მერმა, კახა კალაძემ ტაქსების შემდეგ, ახალი ავტობუსების ფერების შერჩევა დაიწყო. თბილისის მერი მიუნხენიდან, "მანის" შოურუმიდან პირდაპირ ეთერში ფეისბუქით ჩაერთო და მოქალაქეებს სამგზავრო ავტობუსების ფერების ვერსიები შესთავაზა.

მერმა მოუწოდა მოქალაქეებს ფერის შერჩევის პროცესში მონაწილეობა მიიღონ და მერიას გადაწყვეტილების მიღება გაუადვილონ. კახა კალაძე მწვანე, თეთრი და შავი ფერების კომბინაციას განიხილავს.

"მწვანე იყოს უფრო მეტი, თეთრი და შავიც მოსახერხებელია, ასევე ვერცხლისფერი შეიძლება შავთან ერთად გაკეთდეს, ესეც ლამაზი იქნება. კარგი იქნება თუ დიზაინერული კომპანიები ჩაერთვებიან", — ამბობს კალაძე.