ნინო ბურჯანაძის უბლოკო სტატუსის ინიციატივის საპირისპიროდ, დავით უსუფაშვილი აცხადებს, რომ კონსტიტუციაში უნდა დაემატოს ჩანაწერი ევრო ატლანტიკურ სივრცეში გაწევრიანების აუცილებლობაზე:

"მე დარწმუნებული ვარ, რომ კონსტიტუციაში ეს ჩანაწერი გაკეთდება, მაგრამ ეს არავის უშლის ხელს, რომ ზეგ მოინდომოს ამ ჩანაწერის სხვა ჩანაწერით შეცვლა. კონსტიტუციაში უნდა იყოს ის განაცხადი, რაც უნდა ქართველ ხალხს".

უბლოკო სტატუსთან დაკავშირებით პარლამენტის ბიურო დღეს იმსჯელებს, სხდომა ორი დღის წინ უნდა ჩატარებულიყო თუმცა კვორუმის არარსებობის გამო დღეისთვის გადაიდო.

კორცხელის ინცინდენტის გამოუძიებლობის გამო, სხდომას ბოიკოტს უცხადებს ერთიანი ნაციონალური მოძრაობა. როგორც პარტიის წევრი მიხეილ მაჭავარიანი აცხადებს, უადგილოა რესპუბლიკელების მხრიდან ამ ინიციატივის გაჟღერება ახლა და დავით უსუფაშვილს შეეძლო საკითხისათვის მხარი მაშინ დაეჭირა, როცა ის მათ წარადგინეს.