კალენდარზე მონიშნულ რიცხვებს შორის, დღეს ერთ-ერთი მნიშვნელოვანი დღეა. 13 ოქტომბერს No Bra Day, იგივე ბიუსტჰალტერის გარეშე ყოფნის დღე აღინიშნება.

ოქტომბერი ძუძუს კიბოზე ცნობიერების ამაღლების თვეა, დღევანდელი დღე კი ამ თვის შუაგულშია და ის ზუსტად იმას ნიშნავს, რასაც თქვენ ფიქრობთ.

სოციალურ მედიაში აგორებული კამპანია "ბიუსტჰალტერის გარეშე" 2011 წელს დაიწყო, ის მიზნად ისახავდა ადამიანების წახალისებას, რომ თვითდიაგნოსტიკის ნაცვლად ექიმთან შემოწმებულიყვნენ, ჩაეტარებინათ სკრინინგი და ძუძუს კიბოს სიმპტომები გაეგოთ.

2014 წლის 13 ოქტომბერს No Bra Day უკვე 30-მა ქვეყანამ აღნიშნა.

ამ დღეს ჩართულობის უამრავი გზა არსებობს — სხვადასხვა ქვეყნებში დაწყებულია საქველმოქმედო კამპანიები. მათ, ვისაც ბიუსტჰალტერის გარეშე გასვლა არ სურს, შეუძლია იასამნისფერი ფერის ტანისამოსი აარჩიოს და ისე ჩაერთოს კამპანიაში.

13 ოქტომბერს კრიტიკოსებიც ჰყავს — ზოგი მიიჩნევს, რომ ბიუსტჰალტერის გარეშე სიარული ცნობიერების ამაღლების ნაცვლად, ძუძუს კიბოს სექსუალიზებას უწყობს ხელს. ზოგი ამბობს, რომ ეს დღე იმ ადამიანების მიმართ უპატივცემულობაა, რომლებიც ბიუსტჰალტერს მასტექტომიის [სარძევე ჯირკვლის ამოკვეთა] შემდეგ ისედაც არ ატარებენ.

გაეცანით 12 სიმპტომს, რომელიც შესაძლოა ძუძუს კიბოსთან იყოს კავშირში.

ფოტო: Worldwide Breast Cancer / On.ge