სიღნაღის ისტორიული ციხე-გალავანის ნაწილი შელესილია და შავად ღებავენ. ფოტოები ფეისბუქზე მარიამ ყიასაშვილმა გაავრცელა.

კულტურული მემკვიდრეობის დაცვის ეროვნულმა სააგენტომ On.ge-ს განუცხადა, რომ ციხე-გალავნის სამუშაოებთან დაკავშირებით ზედამხედველობის სამსახური უკვე გაემგზავრა. მათივე თქმით, შესაძლოა, სამშენებლო სამუშაოები უნებართვოდ ტარდებოდეს.

სიღნაღის მერის, გიორგი გოგილაშვილი თქმით, შელესილია არა გალავნის ნაწილი, არამედ ტურისტული ბილიკის ნაწილი, რომელსაც გალავნთან კავშირი არ აქვს.

"ეს უძველესი გალავანი კი არის დამახინჯებული, ეს არის ახალი გაკეთებული, რომელიც რესტავრაციას საჭიროებდა და ისე არის, როგორც ადრინდელ მდგომარეობაში დარჩენილი. ეს ბილიკი განახლდა, გამოიცვალა მოაჯირი, განათება გაკეთდა", — განუცხადა მერმა On.ge-ს.

როგორც მან განმარტა, რომ მშენებლობისთვის ნებართვა არ აუღია:

"ის ძველი შელესილი რაც იყო, გამაგრდა. ზედმეტი სამუშაოები არ შეგვისრულებია. ვიღაცას თუ არ მოსწონს ეს ხომ იმას არ ნიშნავს, რომ არასწორად ვმუშაობთ".

სიღნაღის ციხე-გალავანი

ფოტო: ეკოფაქტი