ინტერპოლის პრეზიდენტი და ჩინეთის უსაფრთხოების მინისტრის მოადგილე, მენ ჰუნვეი დაიკარგა. მის გაუჩინარებას საფრანგეთის პოლიცია იძიებს.

Independent-ის ინფორმაციით, ჰუნვეის გაუჩინარების შესახებ საფრანგეთის პოლიციას მისმა მეუღლემ აცნობა. ჰუნვეი ოჯახთან ერთად საფრანგეთში, ლიონში ცხოვრობდა. 29 სექტემბერს ის ჩინეთში გაემგზავრა, რის შემდეგაც ოჯახს მისგან შეტყობინება აღარ მიუღია.

ინტერპოლი 1923 წელს დაარსდა და მასში 190 ქვეყანაა გაერთიანებული. მენ ჰუნვეი ინტერპოლის პრეზიდენტად 2016 წელს აირჩიეს.