სომხეთის პრემიერ-მინისტრის, ნიკოლ პაშინიანის თქმით, უახლოეს პერიოდში ქვეყანაში ვადამდელი საპარლამენტო არჩევნების ჩატარება სურს. ამის შესახებ მან ფეისბუქლაივით ჩართვისას განაცხადა. პაშინიანის თქმით, ერევანში დაბრუნებისთანავე საპარლამენტო და არასაპარლამენტო პოლიტიკურ ძალებს მოიწვევს და მათთან შესაბამის კონსულტაციებს გაივლის.

"პოლიტიკურმა მოვლენებმა აჩვენა, რომ რაც შეიძლება მალე უნდა ჩატარდეს ვადამდელი საპარლამენტო არჩევნები, რადგან პოლიტიკური გაურკვევლობა ახალი ინვესტიციების მოზიდვას უშლის ხელს", - განაცხადა პაშინიანმა.

მისი თქმით, ხალხს უნდა მიეცეს საშუალება, რომ თავისი სურვილისამებრ დააკომპლექტო პარლამენტი და აირჩიოს პრემიერ-მინისტრი.

მმართველი რესპუბლიკური პარტიის ლიდერი ვაგრამ ბაგდასარიანი ვადამდელი საპარლამენტო არჩევნების აუცილებლობას ვერ ხედავს, თუმცა კონსულტაციებისთვის მზადყოფნას გამოთქვამს.