დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, პაატა იმნაძის თქმით, წყალტუბოს მუნიციპალიტეტის საბავშვო ბაღების აღსაზრდელებს, სავარაუდოდ ნაწლავური ინფექცია აქვთ. მისივე თქმით, სურსათის ეროვნული სააგენტო იკვლევს ყველა იმ პროდუქტს, რომელიც მიაწოდეს ბაღებს.

"ბაღებზე არ გვაქვს ეჭვი, სხვადასხვა ბაღში მოხდა [ინციდენტი]. უფრო სავარაუდოა, რომ რაღაც ეტაპზე რომელიმე პროდუქტის დაბინძურება შეიძლებოდა მომხდარიყო", — განაცხადა იმნაძემ.

წყალტუბოს მუნიციპალიტეტის ექვსი საბავშვო ბაღის 25 აღსაზრდელი მოიწამლა. მათგან 11 ბავშვი სტაციონალურ მკურნალობას აგრძელებს. კლინიკის ექიმის ექმით, ბავშვების მდგომარეობა დამაკმაყოფილებელია.