კომპანია Coca-Cola გეგმავს გაზიანი სასმელი გამოუშვას, რომელსაც კანაბიდიოლის შემცველობა ექნება. ამ ნივთიერებას კანაფი შეიცავს. ის აყუჩებს ტკივილს, თუმცა ფსიქოაქტიური ეფექტი არა აქვს. აღნიშნული ინფორმაცია Bloomberg-მა გაავრცელა.

ამ დროისთვის Coca-Cola ერთობლივი სასმელის გამოშვებაზე მოლაპარაკებებს კანაფის კანადურ მწარმოებელთან Aurora Cannabis Inc-თან მართავს.

"ჩვენ ვაკვირდებით, არაფსიქოაქტიური ნივთიერების კანაბიდიოლის, როგორც ერთ-ერთი ინგრედიენტის გამოყენების ზრდას სასმელებში. ეს სივრცე მზარდია", — განაცხადა Coca-Cola-ს სპიკერმა კენტ ლანდერსმა.

ტრადიციული სასმელების გაყიდვების მცირდება და კომპანიები პრობლემის მოგვარებას სხვადასხვა გზით ცდილობენ. Bloomberg-ის ცნობით, კანაფი ამ მხრივ გამოსავალია.

ის ადამიანები, რომლებიც კანაფის სამედიცინო მიზნით გამოყენებას მხარს უწერენ აცხადებენ, რომ კანაფი ამცირებს ტკივილს ართრიტის დროს და ასევე დადებითი თვისებები აქვს დიაბეტის მკურნალობის სფეროში. ამბობენ, რომ ლეგალური კანაბიდიოლის ზეთი სასარგებლოა, სტრესის შემცირების, უძილობის პრობლემის მოგვარების, დეპრესიისა და გადაღლილობის საწინააღმდეგოდ.

ლოს-ანჯელესში, კანაბიდიოლი გამოიყენება კოქტეილებში და ბარებში კანაბიდიოლის ზეთს უმატებენ წვენებს.

Coca-Cola-ს წარმომადგენლების პოზიციით, ამ დროისთვის გადაწყვეტილება მიღებული არ არის. მას შემდეგ, რაც Coca-Cola-ს გეგმების შესახებ გახდა ცნობილი, კანაფის მწარმოებელი კომპანიების აქციები მკვეთრად გაიზარდა.