სასიკვდილო ტაიფუნი ასე მოიხსენიებენ ტაიფუნ მანგჰუტს, რომელიც ფილიპინებსა და ჩინეთს დაატყდა თავს. ციკლონის სიჩქარე საათში 190 კილომეტრს აღწევს. BBC-ის ინფორმაციით, ფილიპინებში გარდაცვლილთა რიცხვი 30-დან 49-მდე გაიზარდა.

ტაიფუნის შემდეგ 19 ადამიანი ძლიერი წვიმის შედეგად გამოწვეულმა მეწყერმა იმსხვერპლა. ქვეყანაში ჩახერგილია გზები და დაზიანებულია საკომუნიკაციო სისტემები.

ფოტო: EPA

დღეს, 16 სექტემბერს ტაიფუნმა ჩინეთის სანაპირეობს მიაღწია. ქალაქ გაუნდუნადან ათასობით ადამიანის ევაკუაცია განხორციელდა, ჰონკონგში კი განგაშის მეორე დონეა გამოცხადებული და მოსახლეობას სახლში დარჩენისკენ მოუწოდებენ.

ფოტო: EPA

ხელისუფლების ინფორმაციით, ჩინეთში ტალღების სიმაღლემ 3.5 მეტრს მიაღწია და ქუჩებში ცოცხალი თევზები გამორიყა. დაშავებულია 11 ადამიანი.

ფოტო: Reuters

ჰონკონგის საერთაშორისო აეროპორტში 800 რეისი გაუქმდა, რამაც დაახლოებით 10 000 მგზავრს შეუქმნა გადაადგილების პრობლემა.