თბილისის მერის, კახა კალაძის თქმით, ცხოველებისადმი სასტიკი მოპყრობისთვისა და წამებისთვის სასჯელი გამკაცრდება. შესაბამისი კანონპროექტი ცხოველების მონიტორინგის სააგენტომ შინაგან საქმეთა სამინისტროს თანამშრომლობით მოამზადა.

ცხოველის წამებისა და სასტიკი მოპყრობისთვის გათვალისწინებული იქნება შემდეგი სასჯელი:

  • საზოგადოებისთვის სასარგებლო შრომა;
  • ჯარიმა;
  • შინაპატიმრობა;
  • თავისუფლების აღკვეთა ვადით ერთ წლამდე.

მერის თქმით, არასრულწლოვანის მიერ მსგავსი დანაშაულის ჩადენის შემთხვევაში განისაზღვრება მშობლის ან კანონიერი წარმომადგენლის პასუხისმგებლობა.