ოსკარის მფლობელი რენე ზელვეგერი იმ მსახიობთა რიცხვს შეუერთდა, რომლებთანაც ნეტფლიქსმა კონტრაქტი გააფორმა.

ბრიჯიტ ჯონსის ვარსკვლავი მონაწილეობას მიიღებს 10 ეპიზოდიან ტრილერში, What/It.

ამ ეტაპზე შოუს სიუჟეტი უცნობია, თუმცა გავრეცელებული ინფორმაციით, ისტორიის ეპიცენტრში ენი (რენე ზელვეგერი) იქნება, ქალი, რომლის ცხოვრებაც ერთი მცდარი ნაბიჯის შემდეგ სრულიად იცვლება.

ცნობილია ისიც, რომ ამ ეტაპზე ნეტფლიქსმა შოუს სამი სეზონი უკვე დაამტკიცა და სამივე მათგანში ერთი და იგივე მსახიობები ითამაშებენ, თუმცა სხვადასხვა პერსონაჟებითა და სხვადასხვა ისტორიებით.