პარლამენტის თავმჯდომარის, ირაკლი კობახიძის თქმით, მმართველი პარტიის მხარდაჭერა დამოუკიდებელი კანდიდატის მიმართ იქნება "ფართო", მათ შორის, ეს მოიცავს ფინანსურ რესურსებსაც.

8 სექტემბერს, საღამოს ექვს საათზე პრეზიდენტობის კანდიდატების რეგისტრაცია სრულდება. მეორე დღეს, ქართული ოცნება პოლიტსაბჭოზე გადაწყვეტს რომელ კანდიდატს დაუჭერს მხარს.

"ჩვენი წარმომადგენლები მონაწილეობას მიიღებენ ღონისძიებაში, რომლებიც დაიგეგმება კამპანიის ფარგლებში. რაც შეეხება დაფინანსება, ჩვენი მხრიდან იქნება მოწოდება შემომწირველების მიმართ, რომ ის ფინანსები, რომელიც წარიმართებოდა მმართველი პარტიის სასარგებლოდ, წარიმართოს იმ ფონდში, რომელიც შექმნის დამოუკიდებელი კანდიდატი", - განაცხადა პარლამენტის თავმჯდომარემ.

საპრეზიდენტო არჩევნები 28 ოქტომბერს არის დანიშნული. ამ ეტაპისთვის სულ 39 პრეზიდენტობის კანდიდატია დარეგისტრირებული.