რიოს ოლიმპიადაზე ორი ერთმანეთის გვერდით მყოფი აუზების ფერები აბსოლუტურად განსხვავდება. ლურჯი შეფერილობის დიდი აუზის გვერდით, მწვანე წყლით სავსე აუზში სინქრონული მოცურავეები ცურავენ.

ნიუ-იორკ პოსტის ინფორმაციით, პრობლემა როგორც გაირკვა ისაა, რომ წყალსაცავი საიდანაც აუზი ივსება, წყალმცენარეებით გაივსო და წყალს მწვანე შეფერილობა სწორედ ამან მისცა.

ორგანიზატორების თქმით, წყალმა შემოწმება უკვე გაიარა და ის სპორტსმენების ჯანმრთელობისთვის საშიში არაა.

რიოს ოლიმპიადაზე წყლის პრობლემა აქტუალური საკითხია. აქამდე მსოფლიოს ყურადღება რიოს მდინარისა და ოკეანის წყლის სიბინძურეზე იყო მიპყრობილი.