დღეს, 28 აგვისტოს პარლამენტის თავმჯდომარემ, ირაკლი კობახიძემ ჟურნალისტებთან საუბრისას უზენაესი სასამართლოს თავმჯდომარის კანდიდატურის ვერარჩევზე კიდევ ერთხელ ისაუბრა ჟურნალისტებთან.

კობახიძის თქმით, ეს იყო პრეზიდენტის მხრიდან იმის განცხადება, რომ ის ელოდება უკვე საპრეზიდენტო არჩევნებს და საპრეზიდენტო უფლებამოსილების ვადის ამოწურვას:

"მისი ეს ნაბიჯი ალბათ ასე უნდა აიხსნას".

პარლამენტის თავმჯდომარე, "არასწორი" უწოდა პრეზიდენტის გადაწყვეტილებას და აღნიშნა, რომ მმართველი გუნდის მხრიდან იყო თანამშრომლობის მზადყოფნა:

"ეს იყო მისი პრეროგატივა და ამის შემდეგ მივიღებდით ჩვენს გადაწყვეტილებას უკვე კანდიდატურის დამტკიცებასთან დაკავშირებით".

უზენაესი სასამართლოს თავმჯდომარის კანდიდატის შერჩევის პროცესში კონსენსუსი ვერ შედგა. ამის შესახებ საქართველოს პრეზიდენტის ადმინისტრაციის უფროსმა, გიორგი აბაშიშვილმა განაცხადა. მისი თქმით, ფართო კონსენსუსის გარეშე, კანდიდატურის დასახელება იქნებოდა დასახელება დასახელებისთვის, კანდიდატურა კანდიდატურისთვის და არა შედეგზე ორიენტირებული.

მას შემდეგ რაც უზენაესი სასამართლოს თავმჯდომარე ნინო გვენეტაძე გადადგა, პრეზიდენტმა მარგველაშვილმა განაცხადა, რომ ის იწყებდა ფართო კონსულტაციებს, რომელიც მოიცავდა გახსნილ დემოკრატიულ ჩართულობას.