ოლიმპიადის მოხალისემ, მატჩის შემდეგ, ბრაზილიის ნაკრების მორაგბეს ხელი სთხოვა

რიოს ოლიმპიადაზე, ქალთა რაგბის გამარჯვებული გუნდების დაჯილდოებისას, მედლების გადაცემის ცერემონიაზე უფრო ამაღელვებელი რამ მოხდა.

იმ დროს, როდესაც ავსტრალია საკუთარი მოპოვებული ოქროთი ტკბებოდა, მოედანზე ერთი მოხალისე გოგონა, მორჯორი ენია გამოჩნდა, რომელიც თავის მეგობარ გოგონას ეძებდა. მარჯორი ენია 28 წლისაა და ოლიმპიადაზე მოხალისე მენეჯერია.

მისი სამიზნე ბრაზილიის ნაკრების წევრი ისადორა ქერულო გახლდათ.

მოხალისემ თავის შეყვარებულს ზუსტად დაჯილდოების დასრულების შემდეგ სთხოვა ხელი.

როდესაც ისადორამ გააანალიზა რა ხდებოდა მის თავს, სიხარულისგან ცრემლები ვეღარ შეიკავა და ატირდა.

ცხადია, ისადორა მაჟორის თხოვნას დათანხმდა.

“როგორც კი გავიგე, რომ ისადორა ბრაზილიის ნაკრებში ითამაშებდა, მაშინვე ვიფიქრე რომ რაიმე განსკუთრებული უნდა გამეკეთებინა”, ამბობს მოხალისე. “ის ჩემი ცხოვრების ერთადერთი სიყვარულია”.

ისინი ორი წელია ერთად არიან. მარჯორი ამერიკელია და ისადორას კარიერის გამო გადაწყვიტა საცხოვრებლად მასთან ერდად ბრაზილიაში გადასულიყო.

ერთნაირსქესიანთა ქორწინება ოლიმპიადისთვის სიახლე არაა. ბალახის ჰოკეის ბრიტანელი მოთამაშე წყვილი ქეით და ელენე რიჩარდსონ უოლშები ოლიმპიადაზე წელს მეოთხედ ითამაშებენ.

ერთნაირსქესიანთა ქორწინება ბრაზილიაში 2013 წლიდან ლეგალურია.

ბოლო ამბები:

გირჩევთ