მსოფლიოში ყველაზე გავრცელებული ცეცხლსასროლი იარაღის, AK-47-ის მწარმოებელმა კომპანია კალაშნიკოვმა მოსკოვში ერთ-ერთ გამოფენაზე ახალი საბრძოლო რობოტი წარადგინა.

"ანთრომორფული, ანუ ადამიანის მსგავსი აგებულების რობოტის გამოყენება იმიტომ გადავწყვიტეთ, რომ საბრძოლო და საინჟინრო დავალებების შესრულება გაადვილებულიყო," - ნათქვამია კომპანიის მიერ გავრცელებულ წერილში.

რობოტის შესაძლებლობები ჯერჯერობით უცნობია. კომპანია განახლებული, სრულად ფუნქციონირებადი რობოტის პრეზენტაციას 2020 წლისთვის გეგმავს.

რობოტზე მხოლოდ შემდეგი ინფორმაცია გვაქვს:

ის ოთხი მეტრის სიმაღლისაა და ოთხნახევარ ტონას იწონის, მისი სახელია "Igorek."

რობოტის გაკონტროლებას ტყვიაგაუმტარი ფანჯრის უკან არსებულ მართვის პულტთან მჯდომი ერთი ან ორი ადამიანი შეძლებს

მართვის პულტიდან იარაღით აღჭურვილი რობოტის ხელების მართვა იქნება შესაძლებელი

კალაშნიკოვი აქტიური და მოქმედი კომპანიაა, მაგრამ რუსეთს თავიანთი შეიარაღების შესახებ გადაჭარბებული და გაზვიადებული განცხადებები ახასიათებს

თუმცა თუ რობოტი იგორეკი დღის სინათლეს მართლაც იხილავს, ვლადიმერ პუტინს მისი სახით მოწინააღმდეგეთა აქციების დაშლისა და ძალადობისთვის ახალი იარაღი ექნება