კახეთში ახმეტის მუნიციპალიტეტის სამი სოფელი დაისეტყვა, ქალაქი თელავი კი დაიტბორა. ესაა დღეს, 18 აგვისტოს მოსული ნალექის შედეგი.

"ამჟამინდელი მდგომარეობით, სამი სოფელია დასეტყვილი, მატანი, ახშანი, ქისტაური. ხოხეზე შემომივიდა ინფორმაცია, თუმცა იქამდე ჯერ ვერ მივაღწიე... სადაც მე ვდგავარ, აქ მოსავალი აღარ არის, ყურძენი და ფოთოლი აღარ აქვს ვენახს", - განუცხადა იმედს ახმეტის მერმა, იოსებ ქარუმაშვილმა.

თელავის დატბორვის კადრები კი მოქალაქემ ფეისბუქით გაავრცელა.