Reuters-ის ცნობით, თურქეთის შინაგან საქმეთა მინისტრის განცხადებით, სამართლებრივი ზომების მიღებაა საჭირო სოციალურ მედიაში გავრცელებულ ყველა იმ გამოხმაურებაზე, რაც ვალუტის კურსს შეეხება. მათი აზრით, ეს საბოლოოდ ნეგატიურ განწყობებს ქმნის ქვეყნის ეკონომიკაზე.

მინისტრის ცნობით, 7 აგვისტოდან დღემდე 346 ანგარიში დაფიქსირდა, რომლებიც "პროვოკაციული" კომენტარებით გამოეხმაურნენ ლირას გაუფასურებას და მათ მიმართ დაწყებულია გამოძიება.

CNN Turk-ის ცნობით, გამოძიება დაიწყება ყველას მიმართ, ვინც ვიზუალურ თუ წერილობით ახალ ამბავს გამოაქვეყნებს ან ვისი ინტერნეტგამოხმაურებაც მიმართული იქნება ეკონომიკური თავდასხმისკენ.

თურქული ლირა

დღევანდელი მდგომარეობით, თურქულმა ლირამ თავისი ღირებულების ისტორიულ მინიმუმს მიაღწია. 10 აგვისტოს დღის ბოლოს 1 ამერიკული დოლარის ღირებულება 5,55 ლირადან 6,5 ლირამდე გაიზარდა. საბოლოოდ, ერთ დღეში ლირა 15 პროცენტით გაუფასურდა.

თურქული ვალუტის გაუფასურება დროში ემთხვევა ორი ქვეყნის ლიდერების, დონალდ ტრამპისა და რეჯეპ ტაეპ ერდოღანის მწვავე პოლიტიკურ განცხადებებს. მიზეზი, თურქეთში მიმდინარე სასამართლო პროცესია. თითქმის ორი წელია თურქული სასამართლო განიხილავს ამერიკის მოქალაქის ანდრიუ ბრონსონის საქმეს. თურქეთი ამერიკელ პასტორს ტერორიზმსა და ფეთჰულა გიულენის ორგანიზაციის წევრობას ედავება.

თურქული ლირას გაუფასურება ნიშნავს, რომ გაიაფდება ამ ქვეყნიდან ინპორტირებული პროდუქტი და უფრო გაიზრდება მასზე მოთხოვნა. გარდა ამისა, თურქეთიდან გაგზავნილი ლირის მყიდველუნარიანობა.

ამავე თემაზე: