დეკანოზ გიორგი მამალაძის ადვოკატებმა პრეზიდენტს, გიორგი მარგველაშვილის მათი დაცვის ქვეშ მყოფის შეწყალების თხოვნით მიმართეს. განცხადება მათ პრეზიდენტის ადმინისტრაციაში რამდენიმე წუთის წინ შეიტანეს.

"ის გარკვეული ჯგუფის პირადი პატიმარია. ერთდერთი ნათელი წერტილი პრეზიდენტის ინსტიტუტია, იმედი მაქვს სამართლიან გადაწყვეტილებას მიიღებს. მართლმსაჯულება საქართველოში არ არსებობს, ეს დაადასტურა უზენაესმა სასამართლომაც. ამ მიმართვით დეკანოზი დანაშაულს არ აღიარებს", - აღნიშნა დეკანოზის ადვოკატმა, მიხეილ რამიშვილმა.

პრეზიდენტმა რამდენიმე დღის წინ განაცხადა, რომ მამალაძის შეწყალების საკითხს "შემდეგ განიხილავდა". ამ დრომდე მამალაძის წარმომადგენლებს პრეზიდენტისთვის მიმართული არ ჰქონდა.

საქართველოს კონსტიტუციით, პრეზიდენტს მსჯავრდებულის შეწყალების უფლება აქვს.

მამალაძე 2017 წლის 10 თებერვალს თბილისის საერთაშორისო აეროპორტში დააკავეს. მას პატრიარქის მდივან-რეფერენტის, შორენა თეთრუაშვილის მკვლელობის მომზადება ედება ბრალად. დეკანოზი გიორგი მამალაძე სასამართლომ დამნაშავედ სცნო და მას შორენა თეთრუაშვილის განზრახ მკვლელობის მომზადებისა და იარაღის უკანონო შენახვა-ტარებისთვის ცხრაწლიანი პატიმრობა მიუსაჯა. 2018 წლის 13 თებერვალს თბილისის სააპელაციო სასამართლომ დეკანოზ გიორგი მამალაძის მიმართ გამოტანილი განაჩენი ძალაში დატოვა, უზენაესმა სასამართლომ კი დაუშვებლად სცნო.