საქართველოს პარლამენტის იურიდიულ საკითხთა კომიტეტის თავმჯდომარის, აკაკი ზოიძის თქმით, საკონსტიტუციო სასამართლოს მიერ მარიხუანის მოხმარებისთვის 500-ლარიანი ჯარიმის გაუქმების შემდეგ აუცილებელია გარკვეული რეგულაციები დაწესდეს. ამის შესახებ ის On.ge-ს ესაუბრა.

მისი თქმით, აუცილებელია არასრულწლვნების შემთხვევაში მკაცრი აკრძალვა დაწესდეს, ზრდასრული ადამიანების შემთხვევაში კი იმ ტიპის შეზღუდვები, როგორც მაგალითად ალკოჰოლის მოხმარებაზე. მისი აზრით, მარიხუანის მოხმარების შემთხვევაში დანაშაულის ჩადენა დამამძიმებელი გარემოება უნდა იყოს. ზოიძე მიიჩნევს, რომ კანონით კვლავ უნდა აიკრძალოს საჯარო მოხელის მიერ მარიხუანის მოხმარება.

"კანონმდებლობაში მარიხუანის მოხმარების აკრძალვის შესხებ მუხლი კვლავ რჩება. საკონსტიტუციო სასამართლომ აღსრულების მექანიზმი გააუქმა, რომლითაც მოხმარება ადმინისტრაციულად დასჯადი არის", - განმარტავს ზოიძე.

დღეს, 30 ივლისს საკონსტიტუციო სასამართლომ პარტია გირჩის წევრების სარჩელი დააკმაყოფილა, რითაც მარიხუანის მოხმარებისთვის ადმინისტრაციული სასჯელის გააუქმა.