ხორავას ქუჩის საქმეზე შექმნილი დროებითი საგამოძიებო კომისიის წევრები დღეს, 22 ივლისს გლდანის საგამოძიებო იზოლატორში მირზა სუბელიანსა და თენგიზ კალანდიას გამოკითხავენ.

ხორავას ქუჩაზე მომხდარი მკვლელობის საქმის ფარგლებში, მირზა სუბელიანი დანაშაულის შეუტყობინებლობის ბრალდებით, ხოლო თენგიზ კალანდია დანაშაულის დაფარვის ბრალდებით დააკავეს. ორივე მათგან აღმკვეთი ღონისძიების სახით პატიმრობა შეეფარდა.

23 ივლისს გაიმართება საგამოძიებო კომისიის სხდომა, სადაც კომისიის წევრები პროკურატურის წარმომადგენლებს დაკითხავენ.