აშშ-ში, ტეხასის შტატის ქალაქ ოსტინში მომხდარი სროლის შედეგად ერთი ქალი დაიღუპა, რამდენიმე კი დაშავდა. ოსტინის პოლიციის უფროსმა მედიასთან ბრიფინგი გამართა, სადაც ამბობს, რომ დაღუპული ქალი 30 წლამდე ასაკისაა, კიდევ ერთი მამაკაცი კი დაჭრილია და საავადმყოფოშია გადაყვანილი. პოლიციის უფროსის განცხადებით, მეორე დაჭრილმა პირმა სამედიცინო დაწესებულებაში გადაყვანაზე უარი განაცხადა. უცნობია თუ რა ტიპის დაზიანებები მიიღეს მათ.

ვიდეოში, რომელიც ტვიტერით გავრცელდა, ჩანს თუ როგორ გარბის და ყვირის ხალხი სროლის დროს.

ოსტინის პოლიციის დეპარტამენტმა, რამდნეიმე საათის წინ გაავრცელა ინფორმაცია ტვიტერზე, რომ ქალაქის ცენტრში, ორ სხვადასხვა ადგილას სროლა იყო.

სამართალდამცავებმა მოსახლეობას მიმდებარე ტერიტორიაზე გადაადგილებისგან თავის შეკავებისკენ მოუწოდეს. შემთხვევა ქალქ ოსტინის ისტორიულ უბანში მოხდა. თავდასხმის მიზეზი და დამატებითი დეტალები ჯერჯერობით უცნობია.