სტიქიის ზონაში, ჭუბერში ვერტმფრენები გაგზავნილი არაა. ამის შესახებ On.ge-ს საგანგებო სიტუაციების მართვის სამსახურში განუცხადეს.

უწყების პრესსამსახურის განცხადებით, ამ ეტაპზე ევაკუაციის საჭიროება არ არის და ადგილობრივი მოსახლეობა უსაფრთხო ადგილზე არიან. მათივე განმარტებით, საჭიროების შემთხვევაში დაიწყება ევაკუაცია, რაშიც ჩაერთვება შინაგან საქმეთა სამინისტროს ვერტმფრენი.

მესტიის მუნიციპალიტეტის სოფელ ჭუბერში, იქ სადაც ნენსკრა ჰესი შენდება, დღეს, 5 ივლისს მთის ნაწილი ჩამოიშალა, რამაც ღვარცოფი გამოიწვია. საგანგებო სიტუაციების მართვის სამსახურის განცხადებით, მთის ნაწილის ჩამოშლა უხვმა ნალექმა გამოიწვია.