საქართველოს ეროვნული ნაკრები დღეს მსოფლიო ჩემპიონატის პირველი საკვალიფიკაციო ეტაპის ბოლოსწინა მატჩში სერბეთს დაუპირისპირდა. მატჩი 50:87, სერბეთის გამარჯვებით დასრულდა.

პირველ მეოთხედი ქართველმა კალათბურთელებმა შვიდქულიანი სხვაობით დათმეს. ისინი პირველი მეოთხედის მიწურულსა და მეორეს სტარტზე ქულის აღებას ვერ ახერხებდნენ, რადგან სერბები ძალიან მაღალი დონის დაცვას გვიპირისპირებდნენ. მომდევნო მეოთხედებში სხვაობა კიდევ უფრო გაიზარდა და სამწუხაროდ, მატჩის ბოლომდე შენარჩუნდა კიდეც.
უნდა აღინიშნოს ისიც, რომ გუნდს ტრავმის გამო ვერ ეხმარებოდა მანუჩარ მარკოიშვილი.

ჯგუფში მყოფი 4 ნაკრებიდან – გერმანია, სერბეთი, საქართველო, ავსტრია – მომდევნო ეტაპზე 3 საუკეთესო გადის. 3 საუკეთესო გუნდს პირველ ჯგუფურ ეტაპზე დაგროვილი ქულები მეორეშიც გადაჰყვებათ.

მომდევნო ეტაპზე გასული გუნდებისთვის 2018 წლის სექტემბრიდან 2019 წლის თებერვლამდე ჩატარდება მეორე საკვალიფიკაციო რაუნდი. ჩვენი ჯგუფის 3 საუკეთესო შეხვდება იმ ჯგუფიდან გასულ გუნდებს, რომელშიც საბერძნეთი, ისრაელი, დიდი ბრიტანეთი და ესტონეთი თამაშობენ. ამ ჯგუფში სადღეისოდ მხოლოდ საბერძნეთს აქვს ჯგუფიდან გასვლა განაღდებული.

ჯგუფის ბოლო მატჩს საქართველოს ნაკრები 2 ივლისს, თბილისში, ავსტრიასთან გამართავს.