თბილისის მერის კახა კალაძის თქმით, მამუკა ბახტაძის პრემიერობით ქვეყანაში ძალიან ბევრი მნიშვნელოვანი რეფორმა განხორციელდება.

"მამუკა არის ღირსეული ადამიანი, ამას იმიტომ, არ ვსაუბრობ, რომ ჩემი მეგობარია. მართლაც, ღირსეული პიროვნება არის, არის განათლებული ადამიანი და მე დარწმუნებული ვარ იმაში, რომ მამუკას ხელმძღვანელობით, მისი პრემიერობით ქვეყანაში ძალიან ბევრი მნიშვნელოვანი რეფორმა განხორციელდება და ჩვენ შევძლებთ ვუპასუხოთ იმ გამოწვევებს, რომელიც დღეს არსებობს ქვეყანაში", - განაცხადა მერმა.

ფინანსთა ყოფილი მინისტრი მამუკა ბახტაძე პრემიერ-მინისტრობის კანდიდატად გუშინ, 14 ივნისს დაასახელეს.

36 წლის პოლიტიკოსი ფინანსთა მინისტრად ზუსტად რვა თვის წინ 2017 წლის 13 ნოემბერს დაინიშნა. პოლიტიკაში მოსვლამდე 5 წლის განმავლობაში საქართველოს რკინიგზის გენერალური დირექტორი იყო. პრემიერ-მინისტრობის კანდიდატად წარდგენის შემდეგ მან ახალი მთავრობა უნდა დააკომპლექტოს და პარლამენტს სამოქმედო გეგმა წარუდგინოს.

გაიგეთ მეტი: