საქართველოს ნაკრებისა და ვიტესის აწ უკვე ყოფილი კაპიტანი გურამ კაშია კარიერას ამერიკაში, კერძოდ სან ხოსე ერსქვეიქსში გააგრძელებს, ამის შესახებ კლუბის ოფიციალური საიტი იტყობინება.

აღსანიშნავია, რომ სან ხოსელთა რიგებს კიდევ ერთი ქართველი ფეხბურთელი, ვაკო ყაზაიშვილი იცავს. იგი და გურამი ვიტესშიც ერთად თამაშობდნენ და ახლა თანაგუნდელობას აშშ-შიც გააგრძელებენ.

ერსქვეიქსის ტვიტერზე კაშიას ვიდეოც მიუძღვნეს.

გურამი ვიტესის ღირსებას 2010 წლიდან იცავდა. მან იქ 293 შეხვედრაში მიიღო მონაწილეობა, გაიტანა 25 გოლი და გააკეთა 18 საგოლე გადაცემა.