საპატრიარქოს განცხადებით, "ნათელი ქრისტესი" რომელიც 3 000 ლარად იყიდებოდა სასაჩუქრედ გამოიცა და არა რეალიზაციისთვის.

"გვინდა ხაზგასმით აღვნიშნოთ, რომ ეს წიგნი, მართალია, გამოიცა სრულიად საქართველოს კათოლიკოს-პატრიარქის ლოცვა-კურთხევითა და საქართველოს მთავრობის ხელშეწყობით, მაგრამ იგი არის სასაჩუქრე და არასდროს მომხდარა მისი გაყიდვა", - წერია საპატრიარქოს განცხადებაში.

7 იანვარს მაღაზია წიგნის სახლმა "ნათელი ქრისტესი საქართველოს" პირველი ორი ტომი გასაყიდად გამოიტანა და 3 000 ლარად შეაფასა. როგორც მაღაზიის მფლობელმა On.ge-ს განუცხადა წიგნი კერძო პირმა მიიტანა გასაყიდად და მხოლოდ ერთი ასლი ჰქონდა. მისივე თქმით, მაღალი ფასისა და საზოგადოებრივი რეაქციის გამო წიგნი მალევე ამოიღო გაყიდვიდან.

წიგნის მესამე ტომის 500 ასლად გამოცემა მთავრობის სარეზერვო ბიუჯეტს 254 ათასი ლარი დაუჯდა. პროექტის ავტორის, ნესტან კირთაძის თქმით, წიგნის მფლობელები მხოლოდ ის წარჩინებული ადამიანები გახდებიან, ვისაც საქართველოს მთავრობა, კულტურის სამინისტრო და სრულიად საქართველოს კათოლიკოს პატრიარქი აარჩევენ