საპატრიარქოს გამოცემული წიგნის "ნათელი ქრისტესი საქართველოს" ორი ტომი, რომელიც წიგნის სახლში 3 000 ლარი ღირდა, გაყიდვიდან ამოიღეს. On.ge-ს მაღაზიის მფლობელმა უთხრა, რომ მიზეზი "ატეხილი აჟიოტაჟია". ამ მიზეზით მან წიგნი პატრონს დაუბრუნა.

"წიგნის ფასი ეძვირათ. 3 000 ლარს დაამატონ ერთი 5 000 და 8 000-ად კაი მაჯის საათი მოუვათ. საათი არ ეძვირებათ და წიგნი ეძვირათ რა ვიცი", - განაცხადა მაღაზიის მფლობელმა, რამაზ ჯიქიამ.

ჯიქიას თქმით, მაღაზიაში წიგნის მხოლოდ ერთი ასლი ჰქონდათ, რომელიც კერძო პირმა ჩააბარა.

On.ge ესაუბრა "საუკუნის ტრილოგიის" პროექტის ავტორს, ნესტან კირთაძეს, რომელმაც აღნიშნა, რომ წიგნის გაყიდვის უფლება მხოლოდ მფლობელებს აქვთ. მისივე თქმით, წიგნის მესამე ნაწილი, რომელიც 500 ეგზემპლიარად გამოიცა და სარეზერვო ფონდს 244 ათასი ლარი დაუჯდა, არ გაიყიდება.