ხორავას ქუჩაზე მოკლული მოზარდის მამა, ზაზა სარალიძე, აქციაზე #ნუმომკლავ სიტყვით გამოსვლისას შინაგან საქმეთა მინისტრის, გიორგი გახარიასა და იუსტიციის მინისტრის, თეა წულუკიანის გადადგომას ითხოვს.

სარალიძის თქმით, გახარია თავისი თანამდებობისთვის შესაფერისი არაა, რადგან კიდევ ცდილობს მათ მოტყუებას.

"ახლა კონკრეტულად ვითხოვ გახარიას გადადგომას, რომელმაც კიდევ ფეხებზე დაგვიკიდა ჩვენ და კიდევ შეეცადა ჩემი შვილის სულში ჩაფურთხებას, ყველა შვილმოკლული მშობლებისა და შვილების სულში ჩაფურთხებას", - ამბობს სარალიძე.

ზაზა სარალიძე უნდობლობას უცხადებს თეა წულუკიანსაც და მის თანამდებობიდან გადადგომას მოთხოვს. მისი თქმით, ხალხმა თავად უნდა გადაწყვიტოს, ვინ აირჩიოს პროკურორად.

ამ წუთებში რუსთაველის გამზირზე აქცია #ნუმომკლავ მიმდინარეობს.