მარნეულთან ახლოს, სოფელ ყიზილაჯლოსთან მდებარე ნაგავსაყრელზე გადაყრილი კვერცხებიდან, რომლებიც გაფუჭებული ეგონათ, წიწილები გამოიჩეკა.

მარნეულის მერი თემურ აბაზოვი On.ge-სთან საუბარში ამბობს, რომ მათ ჯერ არ იციან, თუ რომელმა მეფრინველეობის ფაბრიკამ გადაყარა კვერცხები, მისივე თქმით, მიმდინარეობს ამის დადგენა.

შემთხვევა რამდენიმე დღის წინ მოხდა. თემურ აბაზოვის თქმით, წიწილები მარნეულის მოსახლეობამ სახლებში წაიყვანა.

ამის შესახებ ინფორმაცია თავდაპირველად ონლაინ გამოცემა ნეტგაზეთმა გაავრცელა. ვიდეოს, სადაც ჩანს, თუ როგორ გარბიან ნაგავსაყრელიდან ახლადგამოჩეკილი წიწილები, ფეისბუქმომხმარებელი საჰიბ ბაირამოვი ავრცელებს: