თბილისში ხორავას ქუჩის საქმეზე გამოტანილი განაჩენი და გამოძიებაში არსებულ კითხვები ქუჩის მხატვრობით გააპროტესტეს.

"14 წლის, 13 ჭრილობა, 0 მკვლელი", - ამ წარწერითა და ქუჩის მხატვრობით ავტორმა საზოგადოებაში გაჩენილი კითხვები და პროტესტი გამოხატა. მისი ნახვა ბარათაშვილის ხიდზე შეგიძლიათ.

ხორავას ქუჩაზე მომხდარ მკვლელობას 2 არასრულწლოვნის სიცოცხლე ემსხვერპლა. თბილისის საქალაქო სასამართლოს გადაწყვეტილებით, ერთ-ერთი არასრულწლოვნის, დავით სარალიძის მკვლელი დადგენილი არ არის.

მოკლულის მამა, ზაზა სარალიძე აცხადებს, რომ დამნაშავეებს პროკურატურის მაღალჩინოსნები აფარებენ ხელს და მტკიცებულებების განადგურებასაც მათ შეუწყეს ხელი.

სასამართლო გადაწყვეტილების შემდეგ, სარალიძემ პროკურატურასთან აქცია გამართა და მთვარი პროკურორის, ირაკლი შოთაძის გადადგომა და დაუყოვნებილ დასჯა მოითხოვა. ირაკლი შოთაძე გადადგა, თუმცა საპროტესტო აქციები მისი დასჯის და მთავრობის გადადგომის მოთხოვნით გაგრძელდა.

შინაგან საქმეთა სამინისტრომ დაიბრუნა ხორავას საქმის გამოძიება, პარლამენტში კი - საგამოძებო კომისია შეიქმნა, რომელიც აქამდე მიმდინარე სისხლის სამართლის საქმეში არსებულ ხარვეზებს გამოიძიებს.