ზვიად კუპრავას განცხადებით, ზაზა სარალიძე პარლამენტთან მიმდინარე აქციას დაესწრება და იდგება იქ, სადაც მისი შვილის მიმართ სოლიდარულები არიან.

კუპრავამ ჟურნალისტებს ინფორმაციის დასადასტურებლად ის შეტყობინება წაუკითხა, რომელიც ზაზა სარალიძისგან მიიღო.

ზაზა სარალიძე დღეს, ვაკის პარკში მიმდინარე აქციას შეუერთდა და განაცხადა, რომ იდგება იქ, სადაც მისი შვილის მეგობრები დგანან, თუმცა ტერიტორია მალევე დატოვა და განაცხადა, რომ სახლში მიდის.

"ვერც აქ დავინახე ხალხის ერთობა, თუ მარტო ხალხი იქნება მოვალ", - განაცხადა ზაზა სარალიძემ ვაკის პარკის დატოვებამდე. მან არ უპასუხა კითხვას, დაესწრება თუ არა პარლამენტთან, გაერთიანებული ოპოზიციის მიერ ორგანიზებულ აქციას.

ოპოზიციური პარტიების კოალიციის აქცია, საქართველოს პარლამენტთან ამ წუთებში მიმდინარეობს.