"თუ აქაც დავინახავ მარტო ხალხს, მოვალ", - ამ სიტყვებით დატოვა ვაკის პარკის ტერიტორია ხორავას ქუჩაზე მოკლილი დავით სარალიძის მამამ, ზაზა სარალიძემ.

აქციაზე მისული იყო საქართველოს სახალხო დამცველი, ნინო ლომჯარიაც. სწორედ მასთან ერთად დატოვა სარალიძემ ვაკის პარკის ტერიტორია. აქციის მონაწილეებმა შეურაცხყოფა მიაყენეს სახალხო დამცველს.

ადევნეთ პირდაპირ ეთერს თვალი.

რამდენიმე წუთის წინ აქციის ერთ-ერთმა მონაწილემ თქვა, რომ სარალიძე იქ რჩებოდა, თუმცა სარალიძე წავიდა.

ვაკის პარკში აქცია დღეს, 15 საათზე დაიწყო. აქციის მონაწილეები ამბობენ, რომ ემიჯნებიან პოლიტიკურ პარტიებს და ამ მიზეზით შეიკრიბნენ ვაკის პარკში. გუშინ, 2 ივნისს, გვიან ღამით გახდა ცნობილი, რომ პარლამენტის წინ ზაზა სარალიძის მხარდასაჭერ აქციაში პოლიტიკოსებიც ერთვებიან.