ძიუდოისტებს შორის დაპირისპირება სისხლიან გარჩევაში გადაიზარდა - ამის შესახებ ინფორმაციას რადიო თავისუფლება ავრცელებს.

გამოცემის ცნობით, 31 მაისს, გვიან ღამით, ძიუდოს ფედერაციის პრეზიდენტის გადადგომის მომთხოვნ სპორტსმენებს ცეცხლი გაუხსნეს ფედერაციის თანამშრომლებმა.

"წინასწარი ინფორმაციით, დაჭრილია ერთი ადამიანი და სამართალდამცავებმა ოთხი პირი დააკავეს. მათ შორის ლომერ ჟორჟოლიანი, რომელიც წლების განმავლობაში ფედერაციაში მაღალ თანამდებობას იკავებდა. ამჟამად კი საქართველოს ჭაბუკთა ნაკრების მწვრთნელი და დავით ქევხიშვილის მხარდამჭერია", - წერს რადიო თავისუფლება.

On.ge-ს ინფორმაციის გადამოწმევას შსს-ში ცდილობს, სადაც გვითხრეს, რომ ინფორმაციას მოგვიანებით მოგვაწვდიან.