საქართველოს პრეზიდენტი, გიორგი მარგველაშვილი საქართველოს პარლამენტის შენობასთან ზაზა სარალიძის მხარდამჭერ აქიციაზე მივიდა. რუსთაველის გამზირეზე ის რამდენიმე წუთის წინ მივიდა და უკვე ხვდება ზაზა სარალიძეს.

გუშინ, 31 მაისს პრეზიდენტის აქციაზე მისვლა არაერთხელ მოითხოვეს აქციის მონაწილეებმა, თუმცა არ მისულა. მანამდე, საქართველოს მთავარ პროკურატურასთან გამართულ აქციაზე მისი ცოლი, საქართველოს პირველი ლედი, მაკა ჩიჩუა მივიდა.

გუშინ პარლამენტის შენობასთან მივიდა საქართველოს პრემიერ-მინისტრი, გიორგი კვირიკაშვილი. მას აქციის მონაწილეებმა სიტყვის წარმოთქვის უფლება არ მისცეს, თუმცა პრემიერმა მაინც იფიქრა, რომ მის მისვლას პოზიტიური გამოხმაურება ჰქონდა.

გუშინ, 31 მაისს თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა.

დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.

ამ გადაწყვეტილების შემდეგ თბილისში, მთავარ პროკურატურასთან აქცია დაიწყო. მოგვიანებით, პროკურატურასთან დაწყებული აქციის მონაწილეებმა საქართველოს პარლამენტის შენობასთან გადაინაცვლეს. აქცია თბილისში თითქმის 24 საათია იმართება.