#ნუმომკლავ - აქცია-მსვლელობა ფოტოებში

აქცია #ნუმომკლავ რუსთაველის გამზირზე, თბილისის პარლამენტის შენობის წინ გრძელდება. აქციაზე ისმის შეძახილები "სისტემა უნდა დაინგრეს, წადით".

აქციის მონაწილეები ითხოვენ, ყველა იმ პირის დასჯას, რომლებიც, მათი აზრით, ხორავას ქუჩის საქმის ფალსიფიცირებაში მონაწილეობდნენ.

აქციის მონაწილეები აცხადებენ, რომ ისინი არ დაიშლებიან და მთელი ღამით აპირებენ რუსთაველის გამზირზე დარჩენას.

აქციის მონაწილეები მთავარი პროკურატურის შენობიდან ფეხით, მსვლელობით წამოვიდნენ პარლამენტისკენ. რუსთაველის გამზირზე მოსულებს კი ტერიტორია უკვე შევსებული დახვდათ აქციის სხვა მონაწილეებითა და მხარდამჭერებით.

აქციის მონაწილეებმა მთავარი პროკურატურიდან პარლამენტისკენ მსვლელობა მას შემდეგ გადაწყვიტეს, რაც ცნობილი გახდა რომ გენპროკურორმა ირაკლი შოთაძემ თანამდებობა დატოვა. ისინი ამბობენ, რომ შოთაძის გადადგომა მათი მთავარი მოთხოვნა არ ყოფილა, არამედ ისინი პროკურორების სისხლის სამართლებრივად დასჯასა და სისტების დანგრევას ითხოვენ.

აქციის მონაწილეებს შორის არიან სკოლის მოსწავლეები, მათ შორის 51-ე სკოლიდან, სადაც მოკლული არასრულწლოვნები სწავლობდნენ.

მოზარდებს მსვლელობისას უჭირავთ პლაკატი წარწერით, "შემდეგი შეიძლება ვიყო მე", - ისინი მართლმსაჯულების აღსრულებასა და მათი თანატოლების მკვლელობის რეალური ჩამდენების დასჯას ითხოვენ.

დღეს, 31 მაისს ე.წ. ხორავას ქუჩის საქმეზე სასმართლო გადაწყვეტილების გამოცხადების შემდეგ პროკურატურასთან აქცია დაიგეგმა, რომელმაც პარლამენტთან გადმოინაცვლა მას შემდეგ, რაც მთავარი პროკურორი, ირაკლი შოთაძე გადადგა.

ბოლო ამბები: