ამერიკელმა ტელევანგელისტმა [ევანგელისტური ეკლესიის მქადაგებელი, რომელიც ეკრანიდან ესაუბრება თავის მრევლს] მიმდევრებს სთხოვა, რომ მისთვის მეოთხე კერძო თვითმფრინავი ეყიდათ, რადგანაც "ქრისტე ვირით არ უნდა დადიოდეს".

ჯეს დუპლანტისის თქმით, ღმერთმა მას უთხრა, რომ Falcoln 7X უნდა ეყიდა. თვითმფრინავი 54 მილიონი დოლარი ღირს.

მქადაგებელმა დასძინა, რომ ის ის თავიდან უარზე იყო, მაგრამ ღმერთმა ასევე უთხრა: "მე შენ არ გთხოვ რომ გადაიხადო, მე გთხოვ რომ ამის გწამდეს".

ვიდეოში, რომელიც 68 წლის მქადაგებელმა გამოაქვეყნა, ის ამბობს:

"იცით, რომ სამი კერძო თვითმფრინავი მყავდა, მე მათ ვიყენებდი და ახლახან ისინი ღმერთის სახელით დავწვი. ზოგი ფიქრობს, რომ მქადაგებლებს თვითმფრინავები არ უნდა გვყავდეს. მე კი სინამდვილეში იმის მჯერა, რომ საშუალება უნდა გვქონდეს ბევრ ადგილას წავიდეთ და ჩვენი ხმა მსოფლიოს უამრავ წერტილამდე მივაწვდინოთ".

მან ტვიტერზე ფოტოც გამოაქვეყნა, სადაც თავისი წინა თვითმფრინავების სურათებთან ერთადაა გადაღებული.

ჯეს დუპლანტისის თქმით, მისი ბოლო თვითმფრინავი, რომელიც 12 წლისაა, თავის მოვალეობებს ვეღარ ასრულებდა.

"იესომ ხალხს უთხრა, მოიარეთ მსოფლიო და ილოცეთ, უქადაგეთ ყველა არსებას. ახლა მე ეს როგორ გავაკეთო? მანქანით, მატარებლითა და გემით ამას ვერ შევძლებ, თუმცა თვითმფრინავით არ გამიჭირდება", - თქვა მან თავისი სიტყვების ბოლოს.

ტვიტერის მომხმარებლები მქადაგებლის სურვილებს კრიტიკით შეხვდნენ, ბევრი მათგანი ბიბლიას იშველიებდა და სიხარბეზე მიუთითებდა, ან ურჩევდა, რომ ფული ჯობდა ღარიბებისთვის მიეცათ.