კოსმოსური მოგზაურობისა და სხვა პლანეტებზე კოლონიების ასაშენებლად ადამიანებს მგზავრობა რაც შეიძლება ნაკლები ტვირთით მოუწევთ. საბარგო განყოფილებებში რაც შეიძლება ნაკლები წონა და მხოლოდ აუციელებელი ნივთების წაღება მოუწევთ. სხვა დანარჩენი ადგილე უნდა გაკეთდეს და აიწყოს, ადგილობრივი რესურსებით.

ასეთი პერსპექტივა წარსულში სამეცნიერო ფანტასტიკის სფეროს მიეკუთვნებოდა, თუმცა, 2016 წლის 23 მარტს NASA რევოლუციურ ნაბიჯს გადადგამს და საერთაშორისო კოსმოსურ სადგურზე ახალ საწარმო აპარატს გაგზავნის.

პირველი ასეთი მოწყობილობა, 3D პრინტერი, 2014 წლის 21 სექტემბერს კომპანია Made In Space-სთან თანამშრომლების შედეგად გაიგზავნა კოსმოსში, რომლის დახმარებითაც ასტრონომებმა სხვადასხვა საგნები დაამზადეს.

საწარმო აპარატი Aditive Manufacturing Facilty გაუმჯობესებული მოწყობილობაა, რომლის დახმარებითაც კოსმოსურ სადგურზე მყოფ ასტრონავტებს მაღალი ხარისხის ნივთებისა და ნაწილების დამზადება შეეძლებათ.

დაზიანებული ნაწილების დამზადება ადგილზევე იქნება შესაძლებელი, მას შემდეგ რაც შესაბამისი ციფრული პროექტი აიტვირთება მოწყობილობაში.

კომპანია Made In Space-ის პროდუქტების დეპარტამენტის მენეჯერის სპენსერ პიტმანის თქმით, აღნიშნული ტექნიკა ისეთი ნივთების დამზადებისთვის შეიძლება იქნეს გამოყენებული, რომელთა დედამიწიდან კოსმოსურ სადგურამდე მიტანაც დიდ სირთულეს წარმოადგენს:

"მაგალითად, ფეხბურთის სტადიონის ზომის დიდი ანტენა, რომელიც მთელს დედამიწას მაღალი სიჩქარის ინტერნეტს მიაწვდის."

პროექტი დედამიწაზე მომუშავე მეცნიერებსაც დაეხმარებათ მიკროგრავიტაციის პირობის საჭიროების მქონე ცდების ჩატარებაში. კოსმოსური 3D პრინტერის გამოყენება ნებისმიერ კერძო პირს ან კორპორაციას შეეძლება, $6 ათასიდან $30 ათასამდე თანხის საფასურად.

Made In Space-ი უკვე მუშაობს კოსმოსური გადამამუშავებელი მოწყობილობის შექმნაზე, რომელიც ძველ პრინტებს გადაამუშავებს და ასტრონავტებს ახალ მასალას მისცემს.

NASA-ს პრეს-სპიკერი ტრეისი მაკმაჰონი აცხადებს, რომ პროექტი წინ გადადგმული ნაბიჯია კოსმოსური მოგზაურობისა და კოლონიზაციის პროცესში:

"მარსზე ყოფნისას ადამიანები არ უნდა ელოდონ როდის გავუგზავნით მასალებს ან მოწყობილობებს დედამიწიდან, მათ თავად უნდა შეეძლოთ ყველა საჭირო ნივთის ადგილზე დამზადება."