"მოსამართლეებისა და კიდევ სხვა ბევრი პირის დაპატიმრება თურქეთში წარუმატებელი სახელმწიფო გადატრიალების მცდელობის შემდეგ, მიუთითებს იმაზე, რომ მთავრობამ წინასწარ მოამზადა მათი სია, ვინც უნდა დაეკავებინათ ", - ამის შესახებ ევროკომისარი ევროპული სამეზობლო პოლიტიკისა და გაწევრიანების თაობაზე მოლაპარაკების საკითხებში იოჰანეს ჰანი აცხადებს.

ევროკომისარის კომენტარის შესახებ Reuters წერს.

შაბათს, 26 ივლისს, თურქეთში მომხდარი სამხედრო გადატრიალების მცდელობის შემდეგ, 3000-მდე სამხედრო და ამავე რაოდენობის მოსამართლეები და პროკურორები დააკავეს.

იოჰანეს ჰანის თქმით, ისე ჩანს, თითქოს რაღაც წინასწარ იყო გამზადებული:

"სიები ხელმისაწვდომია, რაც მიუთითებს, რომ წინასწარ იყო გამზადებული და მისი გამოყენება გარკვეულ ეტაპზე უნდა მომხდარიყო. ძალიან შეშფოთებული ვარ, ეს სწორედ ის არის, რისიც გვეშინოდა".