პარლამენტის დეპუტატებმა რეგლამენტის ცვლილებასა და პრეზიდენტის დისკუსიაში ჩართვას მხარი არ დაუჭირეს, 28 ხმით 50-ის წინააღმდეგ.

პრეზიდენტმა, დღეს, 2 აპრილს თავისი ყოველწლიური მოხსენება წარადგინა. მოხსენების შემდეგ, დეპუტატებმა პრეზიდენტის გამოსვლა შეაფასეს და კითხვები დაუსვეს. პრეზიდენტმა მოითხოვა, დისკუსიის საშუალება ჰქონოდა, რაზეც პარლამენტის თავმჯდომარემ, ირაკლი კობახიძემ აღნიშნა, რომ რეგლამენტი ამის საშუალებას არ იძლეოდა. ამის შემდეგ მარგველაშვილმა სხდომათა დარბაზი პროტესტის ნიშნად დატოვა და დეპუტატების ოთახში შევიდა, რათა გადაწყვეტილებას დალოდებოდა.

კენჭისყრის შედეგის მოსმენის შემდეგ, პრეზიდენტმა პარლამენტის შენობაც დატოვა.