ფილმის გადაღებისას, ხშირად ყოფილა, რომ უკვე დამტკიცებული მსახიობი სხვადასხვა მიზეზების გამო ფილმიდან წასულა ან თავად რეჟისორებსა და პროდიუსერებს მოუხსნიათ.

ამის ერთ-ერთი ბოლო მაგალითი კევინ სპეისია, რომელიც სექსუალური შევიწროების ბრალდებების შემდეგ, რიდლი სკოტმა ფილმიდან გაუშვა და მის ნაცვლად კრისტოფერ პლამერი დაამტკიცა.

თუმცა კევინი არც პირველი და არც ბოლო მსახიობია, რომელსაც სხვადასხვა მიზეზების გამო ფილმიდან წასვლა მოუხდა.

BACK TO THE FUTURE

თავდაპირველად ამ როლზე ერიკ შტულცი განიხილებოდა, თუმცა რობერტ ზემეკისის აზრით ის როლს არ უხდებოდა. სწორედ ამიტომ საბოლოოდ ის გაუშვეს და მის ადგილზე მაიკ ფოქსი მოიყვანეს.

HER

წარმოგიდგენიათ ეს ფილმი სკარლეტ იოჰანსონის ხმის გარეშე? შესაძლოა ასეც მომხდარიყო, რადგან თავდაპირველად სამანტას პერსონაჟს სამანტა მორტონი ახმოვანებდა. თუმცა საბოლოოდ, რეჟისორის გადაწყვეტილებით ის იოჰანსონმა ჩაანაცვლა.

V FOR VENDETTA

შეგახსენებთ, რომ ეს პერსონაჟი მთელი ფილმის განმავლობაში ნიღაბს ატარებს, სწორედ ეს არ მოეწონა ჯეიმს პურეფოის, რომელიც 6 კვირის განმავლობაში დადიოდა გადაღებებზე, შემდეგ კი უარი თქვა. ის უგო უივინგმა ჩაანაცვლა.

PANIC ROOM

ნიკოლ კიდმანი ამ როლს 18 დღის განმავლობაში თამაშობდა, თუმცა სამწუხაროდ მან ფეხი მოიტეხა, რის გამოც გადაღებებზე ვეღარ დადიოდა. იმის გამო, რომ სტუდიას კინოსურათზე მუშაობა ძვირი უჯდებოდა, რეჟისორს მისი ჩანაცვლება მოუწია, თუმცა არჩევანი საკმაოდ კარგი იყო, კიდმანი ჯოდი ფოსტერმა ჩაანაცვლა.

Sister Act

ბეტ მიდლერი გადასაღებ მოედანზე მხოლოდ რამდენიმე დღე იმყოფებოდა, თუმცა შემდეგ გადაიფიქრა და თქვა, რომ არ იყო დარწმუნებული სურდა თუ არა ამ როლის შესრულება. მისი უარის შემდეგ როლი ვუპი გოლდბერგმა შეასრულა.

The Lovely Bones

რეჟისორი მხოლოდ გადასაღებ მოედანზე მიხვდა, რომ რაიან გოსლინგი ამ როლისთვის ძალიან ახალგაზრდულად გამოიყურებოდა და მის ნაცვლად როლზე მარკ უოლბერგი დაამტკიცა.

BATMAN RETURNS

მანამ სანამ ქალი კატას როლს მიშელ პფაიფერი შეასრულებდა, ამ პერსონაჟს წარმატებულად ირგებდა ანეტ ბენინგი. თუმცა გადაღებების დაწყებიდან 2 კვირის შემდეგ გაიგო, რომ ორსულად იყო, სწორედ ამიტომ როლზე უარის თქმა მოუწია.