ალადაშვილის კლინიკის ხელმძღვანელი, ლევან რატიანი ამბობს, რომ რამდენიმე დღის წინ მათთან დაუდგენელი ნივთიერების ინტოქსიკაციით შეყვანილი პაციენტების მდგომარეობა კვლავ მძიმეა. ამის შესახებ რატიანი რუსთავი 2-ს ესაუბრა.

ექიმის თქმით, სამივე პაციენტი ამ დრომდე კომაშია, მათგან ერთის მდგომარეობა კი, შედარებით მძიმეა.

"ორის მდგომარეობა შედარებით დასტაბილურდა, გამარტივდა მართვითი სუნთქვა, ნერვოლოგიური ცნობიერების დონე გაიზარდა. კვლავ მძიმე რჩება ერთი პაციენტის მდგომარეობა, ჰემოდინამიკის შენარჩუნება ვერ ხერხდება, ღრმა კომაშია პაციენტი... ჯერჯერობით მათთან კონტაქტი ვერ მყარდება... ამ დროისთვის მათი მართვითი სუნთქვიდან მოხსნა მაინც შეუძლებელია", - ამბობს ექიმი.

სამი ახალგაზრდა, სავარაუდოდ, ნარკოტიკული საშუალება "მეფედრონის" ინტოქსიკაციით ალადაშვილის კლინიკაში მიიყვანენ. სავარაუდოდ, ამავე ნარკოტიკული საშუალების მოხმარების გამო გარდაიცვალა რამდენიმე დღის წინ ორი ახალგაზრდაც.