კვენტინ ტარანტინო ჰარვი ვაინშტაინის კომპანიას სასამართლოში უჩივის. როგორც რეჟისორი ამბობს, კომპანიამ მას $4,5 მილიონი არ გადაუხადა.

რეჟისორის პრეტენზია ეხება ოთხი ფილმის - Grindhouse, Inglourious Basterds, Django Unchained და The Hateful Eight-ის შემოსავლების ნაწილს, რომელიც კომპანიას რეჟისორისთვის არ გადაუხდია.

ტარანტინოს გარდა ვაინშტაინის კომპანიას ვალები აქვს ისეთ მსახიობებთან, როგორებიც არიან - ლეონარდო დიკაპრიო, ჯეიკ ჯილენჰოლი, რეიჩელ მაკადამსი, ჯულია რობერტსი, ბრედ პიტი, ჯენიფერ ლოურენსი, მერილ სტრიპი და ა.შ.

გარდა ამისა, დღეს ცნობილი გახდა, რომ მსახიობმა ეშლი ჯადი ჰარვი ვაინშტეინის წინააღმდეგ სასამართლოში სარჩელის შეტანას აპირებს. როგორც მსახიობი ამბობს, 1998 წელს ფილმ "ბეჭდების მბრძანებელში" როლი სწორედ ჰარვი ვაინშტეინმის გამო დაკარგა, ამის მიზეზი კი მასთან დაწოლაზე უარის თქმა გახდა.