დღეს ISIS-ის მიერ კონტროლირებულ მედიამ, Amaq Agency-მ, განაცხადა, რომ ე.წ. ისლამური სახელმწიფოს "მებრძოლი" დაიღუპა ნიცაში 14 ივლისს განხორციელებულ ტერაქტში. ინფორმაციას CNN ავრცელებს.

2 დღის წინ, საფრანგეთის სამხრეთით, ნიცაში, შეკრებილი ადგილობრივები და ტურისტები ბასტილიის დღეს ზეიმობდნენ, როდესაც სატვირთო მანქანა ხალხში შევარდა.

დაიღუპა 84 ადამიანი, მათ შორის არიან ბავშვებიც. 18 ადამიანი კრიტიკულადაა დაშავებული, 50-ზე მეტი ბავშვი კი საავადმყოფოშია გადაყვანილი.

ტერაქტის ავტორი 31 წლის ფრანგი მამაკაცია, რომელიც პოლიციამ ადგილზე მოკლა. მას კრიმინალური წარსული აქვს, თუმცა გამოძიებამ მისი რადიკალ ისლამისტებთან კავშირი ჯერ ვერ დაადგინა.