ტერორისტულმა დაჯგუფება "ISIS"-მა 2015 წლის 1 იანვრიდან 15 დეკემბრამდე კონტროლირებადი ტერიტორიის 14 % დაკარგა. ამის შესახებ ბრიტანული კვლევითი და ანალიტიკური კომპანია IHS Jane's იტყობინება. კვლევის მიხედვით, ბოლო სამი თვის განმავლობაში, ე.წ. ისლამურმა სახელმწიფომ, თავისი ტერიტორიების 8% დაკარგა.

2016 წელს, მთავარი დანაკარგები იყო ქვეყნის ჩრდილო-აღმოსავლეთით. ქალაქ ტალ აბიადის დაკარგვის შემდეგ, ე.წ. ისლამურ სახელმწიფოს ფინანსური პრობლემები დაიწყო, რის გამოც გაეზარდა გადასახადები და 50%-ით შემცირდა მებრძოლთა ხელფასები. ავიადარტყმებმა ჯიჰადისტების ნავთობის ობიექტებზე მდგომარეობა კიდევ უფრო გაართულა.

კვლევითი ცენტრის ინფორმაციით, თურქეთის საზღვრამდე კონტროლის დაკარგვა და სასაზღვრო დაცვის გაძლიერებამ შეამცირა საქონლისა და ახალ მებრძოლთა ნაკადი ხალიფატში. ცენტრის ცნობით, ე.წ. ისლამური სახელმწიფო სულ უფრო იზოლირებული ხდება.

ექსპერტები "IHS Jane's"-დან მიიჩნევენ, რომ "ისლამური სახელმწიფოს" მარცხი შეამცირებს უცხოელი მებრძოლების წასვლას ხალიფატში.