9-10 ივნისს ტექნოპარკში მონაცემთა ვიზუალიზაციის ორდღიანი ჰაკათონი გაიმართება. "უკან მომავალში: 1918-ის" მონაწილეებს შეეძლებათ გასული 100 წლის სხვადასხვა მონაცემის გამოყენებით შექმნან თანამედროვე და გამოყენებადი ციფრული ხელსაწყოები, ვიზუალიზაციები და სხვა.

ჰაკათონში მონაწილეობის მიღება შეუძლიათ:

  • დიზაინერებს;
  • პროგრამისტებს;
  • კომუნიკაციის სპეციალისტებს;
  • ისტორიის მკვლევრებს;
  • ჟურნალისტებს.

ჰაკათონში მონაწილეობისთვის აუცილებელია რეგისტრაციის გავლა. მონაცემთა პრეზენტაცია, რომელზეც მონაწილეებს მუშაობა მოუწევთ, 22 მაისს გაიმართება. მონაწილეებს საშუალება ექნებათ, პრეზენტაციაზე შეხვდნენ პროფესიონალებს სხვადასხვა სფეროდან და მათთან ერთად ადგილზევე შექმნან და დაარეგისტრირონ გუნდები. გუნდი უნდა შედგებოდეს სხვადასხვა სპეციალობის 3-6 ადამიანისგან.

მონაცემთა ვიზუალიზაციის ჰაკათონი მონაწილეებს საშუალებას აძლევს:

  • გაიღრმავონ ცოდნა მონაცემების სფეროში;
  • გაეცნონ თანამედროვე ტექნოლოგიებს;
  • შეხვდნენ ამ თემებით დაინტერესებულ სხვა ადამიანებს;
  • გამოცდილი მენტორების დახმარებით შექმნან სხვადასხვა სახის ციფრული ხელსაწყოები.

ღონისძიება ForSet-ის ორგანიზებითა და საქართველოში ამერიკის საელჩოს მხარდაჭერით იმართება.